هـــاااي
جبت لكــم اغــااني رااشد المااجد وان شــااء الله تعجبكم
من يقول
من يقول انى لغيرك .. انا لك مانى لغيرك
انا متعلق مصيري .. ياحبيبي في مصيرك
خلهم يحكون فيا .. مهما هم قالوا عليا
انت منهم وش عليك .. وانا منهم وش عليا
ودهم بس يتعبونك .. وعن عيوني يبعدونك
حاولوا ادري كثير .. بس صعبه يوصلونك
انت اكبر منهم .. وماتصدق حكيهم
زيدني حب وغرام .. يالله اضحك غيضهم
توصي شي
توصي شي انابكرة مسافر .. وابي الليله اسافر قبل باكر
ولكن قبل ماارحل ودي تعرف .. ترى موتى ولاموت المشاعر
انا رتبت جرحي مع ثيابي .. واخذت احزانى والامى تذاكر
يروح العمر ماراحت همومي .. صحيح اللى يقول الهم كافر
خسارة انت والدنيا عليا .. تكابر والزمن مثلك يكابر
حبيبي كل من حولى ظلمنى .. وتبغانى بعد هذا ماسافر
الهدايـــا
اعذريني يالهدايا .. لو هملتك في الزوايا
ماني متحمل أشوفك .. واللي جابك مو معايا
اللي جابك وينه عني .. ياترى زعلان مني
مادرى اني في غيابه .. كم شكيته للمرايا
راح وخلاني لحالي .. شفتي ويش سوى في حالي
خبريني ويش اسوي .. لو عشق قلبه سوايا
قولي لو هو حب غيري .. وش يكون اسمه مصيري
غيراموت انا افمكاني .. واترك الدنيا ورايا
المســـــافر
لاتلوح للمسافر المسافر راح
ولاتنادي للمسافر المسافر راح
ياضياع اصواتنا في المدى والريح
القطار وفاتنا والمسافر راح
يالله ياقلبي تعبنا من الوقوف
مابقى بالليل نجمه ولا طيوف
ذبلت انوار الشوارع وانطفى ضي الحروف
يالله ياقلبي سرينا ضاقت الدنيا علينا
القطار وفاتنا والمسافر راح
مدري باكر هالمدينه وش تكون
النهار والورد الاصفر والغصون
هذا وجهك يالمسافر لما كانت لي عيون
وينها عيوني حبيبي سافرت مثلك حبيبي
أغلى حبيبة
يسألوني ليه أحبك حب ما حبه بشر
وليه إنتي في حياتي شمسها وإنتي القمر
وليه صوتك لا وصل صحراي يملاه الزهر
علميهم يالحبيبة يا أغلى حبيبة
يسألوني ليتهم مثلي يعيشون الهوى
الأصابع في اليدين الواحدة ماهي سوا
عندهم حبك طبيعي وعندي فوق المستوى
فهميهم يالحبيبة يا أغلى حبيبة
يسألوني وفي شفاتي يرتعش حر الجواب
ما دروا إنتي بحياتي راحتي وإنت العذاب
وإنتي حلمي اللي عشقته وطار بي فوق السحاب
خبريهم يالحبيبة يا أغلى حبيبة
يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع
وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة
وحشتــــيني
وحشتيني وجيت أسأل اظن اني على بالك
عسى ماشر ما تسأل وش اللي غير احوالك
رغم بعدك وتقصيرك ورم انك معي قاطع
تزعلني واجي لرضاك واحبك وارضى بالواقع
ترى مهما جرى مني ومهما كنت انا الغلطان
سؤالك عني مايمنع ولو قلبك علي زعلان
احبك يا اجمل الاحساس وحشني حبك المجنون
متى ترضى علي وتحن يا انته يا احلى مافي الكون
أسافــر
أسافر عنك وتسافر معايا
ترافقني في حلي وارتحالي
أغيب وأترك العالم ورايا
ولا أحمل غير طيفك في خيالي
وجوه الناس في الغربه مرايا
تصوّر صورتك دايم في بالي
وأنسى غربتي وأنسى عنايا
وأحس انك معي ما هو لحالي
مثل مالك في هالدنيا سوايا
أنا مالي سواك انسان غالي
لأنك أول وآخر منايا
وأول حب لي وآخر وتالي
حبيبي عدت لك شايل وفايا
وشوقي وفرحتي ولهفة سؤالي
هل انت اشتقت لي وشاقك هوايا
كثر شوقي لك بذيك الليالي؟!
يابــعد هالدنيــا
يا بعد هالدنيا ليه *** صاحبك تقسى عليه
اللي اهدا لك حياته *** و أنت مسكثر تجيه
*
أرخص الدنيا لغلاتك *** و أشترى فرحة حياتك
لو طلبت عيونه جاتك *** و أنت تتغلى علـيـــه
*
لك حبيب يموت فيك *** حس به الله يهديــك
و منشغل باله عليك *** و أنت ما فكرت فيه
*
كنك الماي لظماه *** و فرحته و لمسة شفاه
و أنت حلمه في الحياة *** و أنت كل اللي يبيه
*
يا هواي الأولاني *** أنت عنواني و مكــانــي
ساكن بروحي و كياني *** و عرش قلبي معتليه
*** ( ألا يا وقت ) ***
ألا يا وقت وين أللي على بالي يجي ويروح هذاك أللي ملك قلبي وتفكيري ووجداني
أموت بطيفه أللي لا لمحته تنتشي بي روح أحس أني أذا شفته كأني بعالمٍ ثاني
أحبه والأمل باني في قلبي من غلاه صروح حبيبي لو يمر طيفه يبدد ماضي أحزاني
أحبه حب لو يدري عن أللي بخافقي من بوح نسى كل الزعل وأرخص حياته دون حرماني
تحملت الخطا منه وإذا أخطا بعد مسموح حبيبي ما عليه أزعل إذا أخطا وخطاني
تذكرته وأنا ناسي ونسيته والوفا مجروح غريبه حالتي والله وهو ذكراه نسياني
غرشوب
حبيت غرشوب ولعني ولوعني .. واسقاني الحب في كاسه واشقاني
دلوع مدري وش اللي فيه مولعني .. كل ما تركته اعود لدنيته ثاني
ان قال احبك يحاول ما يسمعني .. يلعب بأعصاب قلبي بس يهواني
لكنه ساعه يدلعني يدلعني .. ويقول احبك وميت فيك يا فلان
ما شي في الكون عن شوفته يمنعني .. إلا النظر لو يفارق مقلةأعياني
من دون ما اشعر له الاشواق تدفعني .. واظن حتى بحلم النوم يلقاني
حسن الغراشيب لو فتان ما يعني .. بالنسبه لي شي غيره نقوت اوطاني
حبيب قلبي انا غرشوب لوعني .. ما انساه لحظه ولا هو لحظه ينساني
اشقر على اشقر
مثل مالحر الأ شقر يجمع معاني الزين كامل معانيه
متميزن بالوصل مخضر ومنضر اجمل وصوف الحسن مجتمعه فيه
افرح فشوفه لي جماله مصور والقى منى عمري اذا ما الا قيه
اذا اشوفه كن جسمي مخدر ويدق قلبي كل مامر طاريه
يا عود مياسن باحسنه تخطر هزه هوانا ثم تثنى من اثنيه
ان قلته هانت لا تزاد في قلبي اكثر صاح الصويب ولا سمع من يناديه
الله واكبر كيف العيون تسحر كيف الهداب تصوب الي توديه
لو هو جرحني في الوداد وتعذر صوب بسهم ما لقاء من يداويه
ما اتصلتي
ما اتصلتي ما سألتي .. ولا قلتي فلان شخباره
ما سهرتي ما تعبتي .. وما وصلتي لعتبت داره
وينك عني وينك .. ودي بشوفت عينك
انا مالي غيرك انتي هوا .. ولا غيرك لجروحي دوا
كاني غالي لي تعالي .. قبل حالي لا تذبل ازهاره
يا حنيني اللي فيني .. وعلى عيني تبين آثاره
ما عشقتي ولا ذقتي .. ما احترقتي بهالوا وناره
لو تجيني انسى ويلي .. وفيك ليلي تنور انواره
غلاهــــــــا
غلاها ياكبر عندي غلاها .. عشقها القلب ولخاطر هواها
تولعت بهواها دون مدري .. وباع الناس قلبي واشتراها
تلاشى البدر من طلعت ضياها .. جمال الكون كله في سناها
بديت اغار من نفسي عليها .. واغار من العيون اللي تراها
إلاه العرش بالحسن انتقاها .. يحق لها بطلعتها تتباها
عليها من الدلع نظرات تأسر .. اشوف القلب ما يصبر بلاها
معاها بهجة ايامي معاها .. رضاها غاية النفس ومناها
عساها ترحم بحبٍ متيم .. شفا المجروح كله في لقاها
---------------------------------- لك بعد عين
لك بعد عين نتواجه .. او تشوف عيوني فيها
انت ما خليت حاجه .. اغفر ذنوبك عليها
اختلف قلبك وقلبي .. من بعد ذاك الوفا
صار دربك غير دربي .. وانتى عهد الصفا
مهما في الدنيا يصير .. الوفي يبقى وفي
واللي في حبه كبير .. ما يهزه اي شي
ما بتشفع لك دموعك .. انت من قلبي انتهيت
ما كسر قلبي خضوعك .. لو ترجيت وبكيت
بخيـــــــــل
يا بخيل في هواك .. من يشاور ما عطاه
ولو يموتني غلاه .. الغلا ماهو خطاه
دايم ادور رضاه .. لك عيوني تنعطى
الامل سامر جفاك .. وجرح ظنوني البطى
يا دفا وينه دفاك .. صار لي بردي غطا
ينحرق شوق وهلاك .. من على جمرك وطى
قلبك الليله معاك .. حبك بقلبي سطى
صاحبي شاور تراك .. بالبخل كل العطى
----------------------------- غلطة الايام
غلطة الايام احنا ما غلطنا .. كنا مشتاقين يوم انا افترقنا
كلنا ملهوب واحرانه كبيره .. العيون تشوف وإيدينا قصيره
لعبة الاقدار تلعب في هوانا .. والزمن غدار ما يحفظ أمانه
هذا شي معروف من يملك مصيره .. العيون تشوف وايدينا قصيره
يا حبيبي وين كنا وانتهينا .. صار دمع العين يتحسر علينا
الزمان سيوف وجروحه كثيره .. العيون تشوف وإيدينا قصيره
تأخرتي
تأخرتي ولا اقدراعيد ايام معانــاتــــــــــــــــــــــــــي
علاقتنا ابد مابيك تعيدين النظر فيهــــــــــــــا
نسيت اللي مضى وياك نهيت اجمل علاقاتـــــــــــــي
نسيتك مثل مانتي محبتنا نسيتيهـــــــــــــــــا
ما عاش الصدق في ذاتك مثل ماعاش في ذاتــــــــي
ملامح كذب في وجهك في كل كلمه حكيتيهـا
تعبت اسأل عن اخبارك في روحاتي وفي جياتـــــــي
قطعتيني ولا ادري وش ايامك حصل فيهــــا
صبرت وقلت يمكن يوم اغير فيك نظراتــــــــــــــــي
نصحتك للأسف مرات ولا كأنك سمعتيهـــــا
هذا كل مافيني كتبته فوق صفحاتــــــــــــــــــــــــي
خذيها لك واضن انك فهمتي كل معانيهــــــا
حبيت اسلم عليك
حبيت اسلم عليك وآخذ اخبـــــــــارك
واذكرك بالغرام اللي تناسيتــــــــــــه
واعلمك اني باقي حافظ اســـــــرارك
حفرت لـــه داخــل عيوني وخبـيتـــه
لا قلت بكره بتمطر شاحت امطـــارك
ذاب غصن المحبه وانت ما رويتــــه
غيري سكن جنتك واسكنتني نــــارك
حتى اللي مايستوي وياك سويتــــــه
ويش اسوي بقلبٍ ساكـــــــن دارك
جاك بيتك وعاف قلوب في بيتــــــــه
خيرت نفسي مابين الناس واختارك
لا قلت يا قلبي ابعــد قـــال حبيتــــــه
انت غير الناس عنـــــدي انت عندي شي كبيــــــــر
كيف بصبر وانا شايــــف ناس من حولك كثيـــــــــر
وانا احبك واقولها لـــــــك كلمه خليها في بالـــــــــك
انا ماني اي عاشــــــــــق انا لما اعشق اغيــــــــــر
والله لما اعشق اغير ...
من عيون النــــــاس والله اغار يا عمري علـــــــــيك
وما اتطمن وانسى خوفـي الا وايديني بديــــــــــــــك
بس تحمل كل جنـونـــــــي لانك اغلى من عيونـــــــي
لو تدوّر ماتــــــــــــــــلاقي منهو غيري يموت فيـــــك
ومنهو غيري يموت فيك .....
قلبي في ايدينك يا غالـــي بس خل بالك عليــــــــــــه
يا حبيبي هذا قلبــــــــــــي وانت ادرى الناس فيـــــه
لو اعيش العمر كلـــــــــه ما انسى حبك او املــــــه
ما ابي شي بحياتــــــــــي انت بس اللي ابيـــــــــــه
والله بس اللي ابيه ...
مستغـــــربه
مستغربه تسألني وش غير عليك
لما الوداع ارخى الستار
عيونك شتا والنار في رعشة ايديك
وصمت بحر ماله قرار
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه
ما اوعدك الا بـ وفاء
وقلبٍ مراده يسعدك
ما اوهبك الا حياتي
وروحها اللي بيدك
مهما الليالي احرمتنا ودها
وايامك لغيرك تناهى شهدها
انتي المحبة كلها لا قبلها لا بعدها
ما يقدر النسيان عني يبعدك
مسافر انا كلي رجاء
لا تجرحين منهو التجاء
بعيونك الحلوه من الدنيا وجاء
كلي رجا كل رجاء
معنى حياته في كلمتين
حب ووفاء منك على مر السنين
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه
..~ mnoo~..
